About PRIME
Ka Meghalaya kadei ka jylla kaba rit ha ka thain shatei lamihngi jong ka ri India, ha kaba bun ki nongshongshnong kidei ki riewlum (Kumba 85.9 percent katkumka khanasmari 2011). Ka jingkhein briew ka long 29.7 lak ngut bad kumba 80 percent na ki nongshongshnong ki sah ha ki jaka nongkyndong bad ka jingtreikam ba kongsan jong ki, kadei ka rep ka riang bad kiwei de ki kam na ka bynta ka jingim ba man ka sngi jong ki. Ka sorkar jylla ka la pyrshang ban pynshlur ia ka jingseng kam la jong bad ka donkam ia ki riew shimet ne ki kynhun shimet na ka bynta ki lad sha ka roi ka par. Kumta ha ki khyndiat snem baladep, ka la shim bun ki lad ki lynti na ka bynta ban pynshlur ia ka jingseng kam la jong.
Lyngba kane, ka sorkar ka la shin bun ki lad ki lynti ban kyntiew ia ka jingsengkam la jong ha ka rukom kaba kham iar bad kot khambun ki briew. Ia kane ka prokram jong ka sorkar la tip kum ka PRIME (Promotion and Incubation of Market-driven Enterprises).
Ha u Nailar jong ka snem 2018, ka sorkar Meghalaya ka la sdang ia ka Meghalaya Start up Policy. Ka jingthmu jong kane ka long "ban pynlong ia ka jylla kum kawei na ki Startup Hup jong ka ri India ha u snem 2023 da ka jingiatreilang ki kynhun treikam la jong bad ka jingbei tyngka da ka sorkar". Ka Enterprise Development Strategy bad ka Startup Policy ka thmu ban iarap ia kito kiba seng kam la jong bad ai ka kti kamon ka kti ka diang ha kaba kyntiew ia ki kam ba ki seng.
Ka prokram jong ka PRIME ba la sdang da ka sorkar Meghalaya ka long ban pyntreikam ia ki jingsdang ne ki jingprat lynti ba la kdew ha ka Meghalaya Startup Policy.
KI MAT BA KONGSAN JONG KA PROKRAM PRIME
Ban seng ia ki PRIMEHUB kum ka nongrim na ka bynta ka jingseng kam la jong ha ki District, Headquarter jong ki Block, ban pynheh ia ki jaka ba la don lypa kiba ju iarap ia kiba seng kam ne ki Enterprise Facilitation Centers. Ki PRIMEHUB kin iarap ha kaba wanrah ia ki rukom treikam ba thymmai, ka jingiasam lang ia ki jingtip bad ka jinghikai ban pyntbit shuh shuh iaka sap ba don ha ka jingtreikam.
Ban jied kumba 100 ngut ki nongseng kam la jong man la ka snem ban pynshlur. Kine ki kynhun kiba rit hynrei kiba lah ban pynpawkam bha kin trei ia ki kam da ka buit kaba thymmai bad kin long ki nongkyrshan ba radbah jong ka jingseng kam la jong ha ka jylla.
Ban pynshlur ia kumba 10,000 tylli ki kynhun seng kam kiba rit ba rit khamtam kiba trei ia ki kab ba ju don lypa da kaba hikai bad kyrshan ha ka rukom seng kam naduh ka iew ka hat, ki tiar ki tar bad ka khein ka diah bad ban pynlong ia ki kum ki PRIMEHUB.
Ban kyrshan ia ki 50,000 tylli ki LIVELIHOOD ENTERPRISES, khamtam ia kiba seng da marwei shimet ryngkat ka jingiatreilang bad ki Self Help Groups bad ki Cooperative Societies.
Yn iarap ruh ha kaba kyrshan pisa, ka rukom shim ram na ki Bank lyngba ki First Loan Default Guarantee (FLDG) schemes.
Ban pynkylla ruh ia ka jingmut jingpyrkhat khnang ban wanrah ia ka rukom seng kam kaba khambha bad ban pynrung ha ki skul bad ki kolej ia ka jingmut jingpyrkhat ha ka rukom seng kam seng jam.
KI JINGIOHI KA PRIME
Ban pynrung ha ki jingmut jingpyrkhat ki samla ia ka jingsengkam la jong da ki jingplie lad plie lynti kiba biang bad ka rukom treikam kaba biang kum kaba pynsuk ia ki ban ioh ram, nangta ki tiar ki tar, ka jingtbit bad ka iew iadie iathied kaba biang.
KI JINGANGNUD KA PRIME
Ban iarap bad ai mynsiem ia kino kino kiba kwah seng kam la jong lyngba ki PRIMEHUB kaban long ka jaka treikam pdeng jong baroh kiba seng kam la jong ha ka jylla.
KI BUIT BAD RUKOM TREIKAM KA PRIME
Ka jingtbit
Ka jingtbit kadei ka bynta ba kongsan eh ha ka jingtreikam kiba seng kam la jong, naduh uba dang shu sdang haduh uba la kiew sha jrong. Ka jylla kan iatreilang bad ki kynhun kiba la tbit bad iar ka jingseng kam la jong, kum ha ki training, ka jingai mynsiem bad ka jinglah ban treikam bad ka jingkyntiew ia ki sha ki jingtreikam ba kham heh. Ka Teknoloji ne ki tiar ki tar
Technology
Kitiar ki tar neka teknoloji kan long kum u shabi ban sam ia ki jingtipm ban pynkiew ia ki jingmih bad ka jinglah ban treikam. Kan long ruh ka bynta kaba kongsan ha kaba pyniaid ia ka jingtreikam(kum ka nuksa, ka jingtreikam lyngba ka online, ki lad ki kabu bad kiwei kiwei).
Ka jingpyniaid iew
Na ka bynta baroh ki jingtreikam ka jong, ha ka jingiadei bad kiwei pat kan long katkum kai jaka ne ki thain. Ka jingtrei jong ngi kan long ban ban bha ia ki jiongtreikam ba kham sani ha kaba kyntiew ia ka jingtreikam la jong baroh kiba iaktreikam ha ka jingdawa jong ki briew bad ngin khamban ia ki jingdonkam jong ki briew ha kito hi ki jaka.
Ka jingiarap bad kyrshan pisa
Ka jingai pisa ne ram ha ka por kaba biang bad kaba rit kan long ka lad kaba biang bha na ka bynta kito ki nongseng kam kiba lah ban siew pat ha ka dor kaba biang kan long ka thong na ka bynta ki nongseng kam. Hynrei ha ka jingiadie iathied dei ban weng noh pat ia ki jingmut jingpyrkhat ba ki nongseng kam kiba rit kidei ki bym lah ban shaniah.
KA JINGPYNIABYNTA IA KI NONGSENG KAM
Ha ka jingtreikam ka PRIME, kino kino ki riew shimet ne ki seng ne ki kynhun iatreilang ban pynmih ia ki mar ki mata ne ki jingtreikam na ka bynta ban lah pyniaid iew, la ñiew kum ki nongseng kam.
Ha Meghalaya la phiah ha ki lai bynta ia ki ruom treikam lajong, kata kiba nongsengkam ba dang sdang, ki nongseng kam ba dang kham rit bad ki nongseng kam ban im kamai na ka bynta ialade ne ban pynim ja ialade bad ia kiwei.
Ka jingbatai halor ki nongseng kam ba dang sdang
- Ki lah ban don ka jingtreikam kaba rit bad kaba pdeng bad ki pyndonkam da ki kor ki bor ka juk ba mynta.
- Kidei ki nongseng kam ba dang sdang da ka buit ne ka rukom ba thymmai bad kaba kham pher bad ki lah ban don palat 20 ngut ki nongtrei.
- Ka jingtreikam jong ki ka lah ban long shabar jong ki Block ne ki District.
Ka Nuksa
- Ka jingtreikam da ki kor ki bor
- Kiba pyniaid iew ia ki mar rep.
Ka jingbatai halor ki nongseng kam ba dang sdang
- Kidei ki jingtreikam kiba la ju don ne kiba ju trei kiwei bad ki pyndonkam da ki jingmih kiba lah banmih naki jaka trei jong ki hi ban weng ne ban iarap ia ki jingeh kiba don ha kato ka jaka.
- Ki aikam ne iarap ia kamai japoh jong ki 2 ngut haduh 20 ngut ki nongtrei.
- Ki iarap na ka bynta la ka dong ka thaiñ.
Ka Nuksa
- Ki rap ban pyniaid iew ia ki mar rep
- Ki kam ba rit tangba kiba ai jingmyntoi
- Ki Restaurant, ki Resort kiba rit ne kum ki Travel Agent.
Ka jingbatai halor ki nongseng kam ba dang sdang
- Kine ki treikam marwei bad tang ha I jylli jong ka shnong ka thaw bad ki ialeh ban nangpynheh shuh shuh ia ka jingtreikam
- Kidei ruh ki nongbsa ne nongshalan mar sha ki Startup Entrepreneur, ki Nano Entrepreneur, kum ki mar rep, ki soh ki pai, ki jingmih na ka kam ri jing ri, thain jingthain bad kiwei kiwei.
Ka Nuksa
Ki nongrep, ki nongthain jingthain bad ki nongri jingri.
