Incubation
Ka Chief Minister’s E-Champion Challenge Programme, kadei ka Prokram kaba ju pynlong man la u snem ban plie lad ne ai rynsan ia ki samla kiba don ka sap ban seng kam la jong bad long ka jingkyrmen ia ka ioh ka kot ha ka jylla.
Lyngba kane ka Prokram ba ju pynlong ha baroh kawei ka jylla, ki samla nongseng kam kiba i don jingkyrmen bha la jied ba kin iakynduh bad iaphylliew jingmut bad ki nonsgeng kam kiba pawnam, ki nongseng karkhana bad ki heh sorkar.
Napdeng ki 100 ngut ki nongseng kam kiba la ai kyrteng, la jied pat 50 ngut ba kin ioh ia ka jinghikai bad jingpyntbit ba 9 bnai ha ka Prokram Starpup bad Incubation ne ka jingpynshlur bad ai mynsiem. Kine ki 50 ngut ba shah jied ki ioh ia kine ki jingmyntoi.
KI JINGMYNTOI BA KI 50 NGUT KI IOH
Ka jingiarap pisa
La ai Prais da ka Pisa ba 1 lak tyngka. Lyngba kane ki lah ban sdang ia ka jingtreikam jonga kai bad ban pyniaid shaphrang ia ka jingtreikam.
Ka jinghikai ne Jingai jingmut
La ju ai jinghikai ne ai jingmut na ka por sha ka por da kaba iakynduh marwei marwei da ki nongsengkam bat bit ban btin lynti ia ki ha ka jingtreikam ban nang kyntiew ia ka kam. Kane ka la iarap ia ki ba kin lait na ki jingbakla bad sngewthuh ha la ka kam.
Capacity Building
Ki training ba shipor, ki jingpynbit, ki jingiathir jingmut kiba iadei bad ka jingseng kam bad ka jingsan ha ka jingmut jingpyrkhat ki ban iarap ia ki ha ka jingtreikam ha ka kam ba ki la seng.
Ban tip ia ki lad jingiarap pisa
La iarap ba kin tip ia ki lad ki lynti ba ioh jingiarap pisa hapoh ka PRIME. Nangta ba kin tip ia ki lad jingiarap pisa na ki Bank bad na kiwei kiwei de ki bor bei tyngka, khnang ba kin lah ban pynheh ia ka kam ba ki la seng.
Ka jingtip ia ki iew
Lyngba ka jingtreikam bad ki kompeni kiba heh, ka PRIME Progkam ka iarap ia ki ba kin tip ia ki iew ki hat ha ka jylla bad shabar jylla ruh kumjuh, khnang ba kin nang lah ban pynheh ia ka kam ka jam jong ki.
Ka jaka treikam
Ka jaka treikam ba kylluid bad ba biang lang kadei kawei na ki jingangnud ba kongsan ka PRIME na ka bynta kiba kwah ban don ka jingiatreilang. La pyniasoh bad pyniakynduh ia ki nongseng kam kiba donsap bha hapdeng ki nongseng kam kiba na Shillong bad Tura.
Ki jingiarap ei ban ai jingmut ne ka khein ka diah
Ka PRIME ka ju iarap ei ruh ia kine ki nongseng kam ba la jied kum ki Logo, ka Website bad ki jingiarap, ka jingai jingmut na ka bynta ba ki lah ban seng la ka jong ka Kompeni ne ka rukom ban khein ban diah.
Visibility & Networking
Da kaba iadon bynta bad ka PRIME, kine kiba shah jied ki ioh ia ka lad ban peit ia ki lad pathai khubor jong ka jylla bad jong ka ri bad kumjuh ruh ki Channel ha ki Social Media. Lyngba kane, kine ki 50 ngut ki lah ban don ka jingiadei kaba jan bad reputed Institute of Entrepreneurship (MIE) bad IIM Calcutta Innovation Park (IIMCIP) ha ka jingiatreikam bad kiba iadei kam bad ki.
Kane ka prokram la angnud ban pynlah ia ki nongseng kam ba kin nang kiew ha ka kam ba ki trei bad ban iarap ia ki ba kin nang kiew sted ha kane ka bynta. Ka jingjied ia ki nongseng kam la jong kiba thymmai ka long shisien shisnem bad la pynbna paidbah iar lyngba ki Social Media bad ki Kot Khubor. Ka jingiashim bynta ka long kaba ym da donkam siew pisa. Ia ki PRIME Startup Hub la pyniaid da ka jingiatreilang bad ka IIM Calcutta Innovation Park (IIMCIP) kaba dei ka lad jingtip bad jingiarap ia ki.
