Rural PRIME
Ka tnad ba peit sha ki nongkyndong jong PRIME Program ka thmu ban pynshlur ne ialam lynti ia kumba 10,000 tylli ki MICRO bad NANO Enterprises ha kine ki 5 snem ban wan lyngba ki jingtreikam la jong, ki jingpyniaid iew, ki teknoloji, ki jingiarap bai seng bad ban iarap ruh ia kumba 50,000 ngut kiba im ja na ka seng kaba seng kam lajong.
Ki PRIME HUBS (PH)ha kylleng jong ki Block ki long kum ki pneh ban ai buit ai bor ia kiba trei ne seng kam la jong. Kine ki jingiarap ki long lyngba ki Enterprise Facilitation Centres (EFCs), Rural Technology Park /Mini Industrial Estate bad ki Incubators. Ki PH kin ai jingiarap kum ha ka training, ka jingiarap ban pynskhem ia ka jinglah treikam, ki jingtip ban iatreilang bad kiwei kiwei bad kumjuh ruh ki jingshna ia ki bynta ban treikam.
Ki Community Anchors (CAs) ki dei ka bynta ba kongsan ban tei ban pywan dur da ka jingiatreilang ki seng bym dei jong ka sorkar, ki seng na ki shnong na ki block ryngkat ka jingiatreilang ruh ki shnong ki thaw.
Ka PRIME Prokram ka la treikam ha ki 29 tylli ki Block.
Ka kam ba kongsan eh jong ki CA ha kaba sdang ki long kine:
Ka jingithuh ia ki nongseng kam la jong ha ki kynhun barit katkum ki jingpynmih kam:
Ki Micro cluster ka kynthup ia ki 5 tylli ki shnong kiba ka jingjngai jong ki kan nym palat ia ka 30 minit kawei na kawei pat ban iaid da ka kjat. Kine ki shnong kidei ban don ki mar ki mata kiba ki pynmih. Kawei kawei ka Block kan wad ia ki 10 tylli ki micro cluster ka ban kynthup ia ki lai ngut ne lai kynhun kiba wan hakhmat duh ha ka jingtreikam ne pynmih kam. Ka jingithuh ia kine ki kynhun treikam la jong la leh halor ka jingjurip ia kumba 50 percent jong ki shnong kiba don ha ki Block. Da kaba pynlong ia ki rynsan na ka bynta ki nongseng kam la jong, ki nongri jingri bad kiwei kiwei kiba treikam la jong. La pynkhreh ruh ia ka map kaban pyni ia ki nongthied ne ki nongdie bad ka jingiadei para ma ki. Nangta ka jing eh jong ki nongdie ki nongthied la ka long ha ki iew ki hat, ki kor ki bor ka jingeh na ki jingkyshan pisa bad kiwei kiwei.
Ka jingthaw ia ki Collectives/ Producer Group kum ki Kynhun barit
Ka jingthaw ne ka jinglum lang ia ki kynhun treikam kiba rit kan wanrah ka jingmyntoi ia ki Prokram ka PRIME Program, khamtam ia kito kiba im ja na ka jingseng kam la jong. La thaw ruh ia ki Producer Group napdeng ki Nongrep kiba treikam bad pynmih ia ki mar ne ki jingmih na ka rep ka riang, ri jingri ne ki NTFP bad ia ki Service Provider la thaw napdeng kito kiba nongseng kam kiba trei ia ki kam shna jingshna bad kiwei kiwei de ki kam, tangba kiba treikam hapoh ki Block. Ka jingthmu ba kongsan eh haba thaw ia kine ki kynhun hapoh ka PRIME kadei ban pynkiew ia ka jingpynmih kam ki nongseng kam la jong ne ki nongrep ne ki nongri jingri. Ki Community Anchor kin sdang ban pyni ia ki buit treikam hadien ba ladep ka jingithuh ne ka jingtuklar lang na baroh ki liang.
Ka jingithuh Nano Entrepreneurs ne ki Nongseng kam kiba rit
Ka Prokram jong ka PRIME ka ithuh ia ki Nano entrepreneur napdeng kito kiba seng ne treilam la jong da kaba pyndonkam ia ki tiar ki tar ne ki jingmih na la shnong khnang ban weng ia ki jingeh ka ioh kam ioh jam ki briew ha shnong bad kiba lah ban aikam hapdeng 2 haduh 20 ngut ki briew. Ki Community Anchor kin ithuh ne wad ia ki nano entrepreneur ne ki nongseng kam barit kiba don ha ki Block jong ki bad ban buh jingthoh halor ki jait kam ba ki trei, ka bai seng jong ki, ki jingpynmih na ki kam ba ki trei, ka jingiohnong bad kiwei kiwei. Ha man la ki Block yn ithuh kumba 50 ngut nano entrepreneurs ha ka bynta kaba nyngkong bad yn thaw ia ki lad ki lynti ban ai jingiarap ia ki.
Ka jingithuh ne wad ia ki PRIME HUB
PRIME HUB kidei ki jaka treikam kiba long kum ka pneh ne jaka pdeng jong baroh ki kam hapoh ki Prokram ka PRIME. Ia ki PRIME Hub la buh ha ki 29 tylli ki Block. Kan kynthup ia ki Enterprise Facilitation Centre (EFC), ki Rural technology park bad ki mini industrial estate.
